HIRUGARREN KLASEA

Astelehen batean klasea genuen lehen eguna zen, eta asteko lehen eguna zenez, gelakideak inoiz baino isilago ginen. Gainera, irakurri beharreko bi artikuluak, inoiz baino pertsona gutxiagok irakurri zituzten. Hala eta guztiz ere, irakasleak bere betiko umorearekin klasea aurrera atera zuen.

Klase hori alferrik galdu ezin genuenez, lehenego artikuluari buruz hitz egiten aritu ginen, artikuluan dauden ideia esanguratsuenei buruz hain zuzen ere.

Artikuluak kritika asko izan dituen arren, artikuluak baldintza batzuk ezinbestekoak direla esaten du: ikaslearen jarrera aktiboa (parte hartzea, etxerako lanak egitea…), material signifikatiboa eta aurre egitura kognitiboa. Izanik, haur batek gauza berri bat ikastean modelo mental bat sortuko du eta hori behin eta berriz errepikatuta egoera antzekoetan eskema sortuko du. Ondorioz, horrelako egoera baten aurrean aurkitzen denean gai izango da erantzun bat emateko. Noski, haurrak ez baditu lehen aipatutako baldintzak betetzen, ez du gauza berririk ikasiko; beraz, motibazioa oso garrantzitsua da.

Gelan komentatu zen, baita ere, baldintza horiek koerentzia eta bizipenengatik baldintzatuta egon daitezkeela, baina ez dutela beti modu berdinean eragiten haurrarengan.